[الطائر المهاجر]

هذه القصيده قلتها في حوالي 2015 لكن لم اجدها ووجدتها بالصوت فقط فلربما
كانت ضحية التنقل من مستضيف لآخر

اللي بليا ظهر يجلد على بطنه= مثل صعيدي ولكن يحكي الواقع
ومن لامعه قرش ما يسوى ولا دمنه= واللي معه يحترم لو بالسرق جامع
وسلم على راس تنوي تنتف لدقنه= عند البدو قاعده لاصرت به طامع
والكلب لاصار مسؤول فعطه لحنه= قله ياسيدي ولوهو تافه صايع
مثل حجازي وواضح كنه القطنه= فحنا بعصر يبي لك دايم تصانع
امثال تعكس زمان اختلف رطنه = ماعاد به للمبادي والقيم زارع
الحر ذاير ويمكن منزوي بركنه = يخاف من كلمة يكسب بها بايع
لسانك حصانك فخلك دايم حصنه=من قبل يرميك عند اللي بلا وازع
حتى ولو قيل ديمقراطية حسنه = شعار كاذب ودوم الغرب به ساجع
وازن امورك بعقل راجح الفطنه= وخلك برزقك ولو شان الدهر قانع
كثر الطمع قد يحد للحية عفنه = فكرم للحيتك عنها لاتكن خاضع
وابعد عن الشر دام الوقت به فتنه= وسلم امورك لربٍ للظلم دافع
دنياك ماتستحق الذل والشحنه= كلٍ بيرحل بليا جاه او تابع
الحر يذكر بطيبه لاانتهى دفنه= والبوم ماله ذكر يرتاح له سامع