تقبلوا هذه الكيبورديه المتواضعه
معادن الناس تظهر لابدت شده= احدٍ اصيلٍ واحد في معدنه داني
تلقاه يفتل ويختل مخفي العده = ويخادع الغير من ضحكات بلساني
يطير في عجته من قضّبه سده= يحسبه ثوبٍ نظيفٍ ما به ارداني
يدير فكره ويقلب من بعد مده= على اللذي ينصحه من قلب إنساني
وحنا بقصر الفطاحل بحرنا مده= يجرف طحالب تشوه عال الاركاني
نسبر خطاوي الحصاني باوجهٍ عده= ونخطط بصمت مانحتاج لاعلاني
ومن كان ظنه ذكي لا اظهر لوده= نظهر له الود والإحسان بإحساني
ندري بنيته حتى لو ستر بده= ونجيه بغته فلا ينفعه حسباني
انفوس مرضى بها احقاد ممتده= اللؤم والشر في منهاج شيطاني
تجي تمسكن بذله دام محتده= من بعد تشريد في بحرٍ وبراني
واليا تمكن حديهم بانت الرده= وان ما خذا ما يبي خلاك غلطاني
وقصرٍ عطاه الفخر ينوي على هده= إنما يتوج على الباقين سلطاني
القصر للكل يامن تجهل بمده= مهوب حكرٍ لأحد او ورث جداني
على المحبه قيامه من بحر جده= وكل الجزيره الى مصر فتطواني
شيّد لكل العرب والكل به بده= اسره اصيله ما بين اخوات واخواني
ومنهو نوى للتشرذم حدي وحده= مهما يكن في الفطاحل عالي الشاني
لما بنيته مهو من دين ابي رده= ولا اريد شهره ولا قبضٍ للاثماني
ابيه يجمع قلوب لاقت بوده = مكان ابداع في توجيه ايماني
ينخى الفضيله بعلم رجال لاضده= دوحة رجوله ظليله غصنها داني