[عبدالعزيز العمار]

المشاركة الأصلية كتبت بواسطة الطائر المهاجر

جيتك من الماضي البعيد/ اشيل همي واتبعه = ماهمني طول الطريق/ السيف فكري واليراع
جيتك وانا كلي وضوح/ ولا لبست الأقنعه = من شان تدرك في وضوح/ ابكل فهم واقتناع
ماجيت من ضعفي حشى/ لو حسّ قلبي بوجعه= آطى عليه ولو شكى/ إن كنت ناوي بالخداع
ابحرت في دنيا الغرام/ والبوصله متصدعه= هاج البحر / زاد الظلام/ وانا احاول بالشراع
زلزال في وسط الضمير/ يهزّ قلبي يفجعه= مقياس رختر مادرى/ ماله لمثلي اتساع
مركزه جمرٍ كالغضى/ لو هو تناسى يلذعه= ينذر بزلزالٍ جديد/ يفتح لنا درب الضياع
ياخيل ربّي اركبي/ ظلم العدا من يدفعه = طاح الجمل من ذلّته/ مافاد به طول الكراع
قالوا وقالوا بالمثل / هرج العقل ما اروعه = طيرٍ بلا جنحان/ تفرسه الزواحف والسباع
واللص إذا استضعفك/ وجهه ويا ما أوسعه = لكن اذا شاف العصا/ يهرب فلامنك انتفاع
وش لك بباقي السالفه/ ثوبٍ ولا من يرقعه= مجداف حبي وانكسر / هذا قدر لازم يطاع
المعذره تاه الفكر ونْسيت نار مْولّعه= من شانها جيتك/ فقلبي من غرامك بالتياع
لاتسمعي هرج العواذل/ من سمع له يخدعه= انتي ونا والحب يجمعنا إلى يوم الوداع

ابوعبدالله //

صح لسانك ودام نبض قلبك ونزف قلمك...

كتبت فأبدعت وأمتعتنا بهذه الرائعة لاهنت..

تقبل مني اجمل تحيه وتقدير...