[الطائر المهاجر]

https://www.youtube.com/watch?v=rKQR55by0tg&t=3s

الكاس لا منّه دخل في حياتك = اصبحت عبدٍ له ولو كنت حلحيل
ياخذك في دربه ويعلن وفاتك= لو كنت حي يدفنك دون تأجيل
كم ضيّع رجال بهم من سباتك = يومٍ غفو واقفوا بدرب المساطيل
وكم هدّم بيوتٍ تعرف لثقاتك= وشرّد عيالٍ في طريق البهاذيل
واجبر بناتٍ تعتبرهن بناتك = يمشن بدرب الذل يجرفهن السيل
فالأب قدوه وانت باردى صفاتك= تنتج بغاث من صنوف الأراذيل
لانّك بليّا شعور تفقد ثباتك = وتبدا تنازل عن سلوم الرجاجيل
ما كان عيب تشوف وافق سماتك= وانه تحرر في جميع المحاصيل
ولا فقت من سكرتك تحرق لذاتك= ولا تحصّل الاّ الكاس ينسيك للويل
ويعطيك وهم انك تعيش بسراتك= جاه ووجاه وعايش الوقت تمثيل
يخدعك كاسك ماشيٍ في عماتك = وف الآخره تخسر بكل المكاييل
اما مرض بالكبد ينهي حياتك = ولاّ تهلوس مثل بعض المهابيل
لانّك تبعت لرغبتك وشهواتك = ومشيت في دربٍ جنح بك إلى الميل
لابد ما تصحى تصحح خطاتك = مايفيد بعد الفوت كثر المواويل