اقتباس:
المشاركة الأصلية كتبت بواسطة الطائر المهاجر
من سار في درب النقاء رافع الراس= يحتار فيه الخصم واللي معاديه
ويحتار جاهل يحسبه خوش غطاس= واليا جرفه الموج صيّح يناديه
ويحتار متسلق يبي اي نوماس= من خوته واليا فشل قام يشنيه
يجيه منهم عاصفٍ فيه اوجاس= يكشف معادنهم وماكان خافيه
فهذا عطى عقله لغيره بلا قياس= ولو عد رجل فنظرته ما تقديه
وهذا بقلبه فتق تلقاه منحاس= يطرد بليا عقل هذي وهاذيه
لو عنده اجمل حور في معدن الماس= يركض ورا قرد بضحكات يغريه
حتيش لو ظن البعض طير قرناس= مادام تدري ديك عرفه مغطيه
كثر العواصف تنفض غبار الادناس= مما علق بطويق لحظة تعليه
ولا اثرت به دام ساسه على ساس= شامخ على مر العصور بتحديه
فمن قدر المعروف فارفعه للراس= ومن فيه بعض اللؤم فاحذر تماشيه
ومن بانت سنونه مثل اي نسناس= ماهوب يضحك فانتبه وش يواريه
ومن صار طيّب دوم لابد ينداس= فالناس ما ترحم لضعفٍ ظهر فيه
الناس غير الناس والوضع محتاس= وصعبٍ تلاقي من تحكمه مباديه
|
صح لسانك واعتلا شانك
قصيدة ناطقه تجسد واقع مؤلم
وانا اشهد انك صادق يالطائرنا
سلمت ودام فكرك وحرفك