[الطائر المهاجر]

يسير القطار وما تأثر من التشويش= ولا همه اللي في الخفاء ناوي ايقافه
ولو ضحك سنه عارفينه بلا تغبيش = مذكر- مؤنث يكشف المكر اسفافه
طويبير خامس واقف بنقطة التفتيش= ويرسل تقاريره لمن عرف بوجافه
واذا من لقى له فرصة بان بالتهويش= يثير المشاكل من تحت هزة اردافه
لبس غطوته كنه مره شعرها بالميش= وبانت ذوايبها من الخبث شفافه
الا ياعجوز قريح لو تسكني في بيش= تجينا علومك لو تكونين عرافه
ومثل ما قطعنا ذيل غيرك بلا تنبيش= يجي يوم دورك فالختل نعرف اصنافه
فشيلي قشيشك عاريه مابقى بك ريش= فكلش تبين ما بقى شئ بلحافه
لعبتي كفايه وش بقى تكملي التمخيش= صبرنا وطال الصبر وانهزعت اكتافه
واظنه من الواجب نجازيك بالتهميش= مادامك خبيثه تجهلي الحق وانصافه
فنفسك مريضه لو تأمر على اكبر جيش= تبث الشكوك وينهزم قبل اهدافه
ترى الحقد يعرف ما يبي سين وإلاّ ليش= ويمكن يجي من صاحبٍ تجهل شغافه
فبادر بكيه قبل ما يبتدي التشويش = على شان يرجع له ويحرقه بانكافه