ترى يا مهجتي بعض الطيور ولو بدت تنصاد
لحمها مرّ حتى لو هقيتـي البعـض مأمونـه
تظنينـي مثـل أوّل حبيـبٍ بالهـوى ينقـاد
ترى بعدك تعلمنـا وفهمنـا الحـب وفنونـه
ابرحل لا تقولي ليه بدال بـلادك الـف بـلاد
وبصحى بعد غيبوبة وابنسى الحب ومجونـه
واذا من جابني الطاري من الاحباب والحسـاد
وقال الناس وين الطيـر فقولـي الله بعونـه
انا مهاجر الى النسيان ادوّر لحظـة الميـلاد
طفل يبكي ، طفل يضحك وباقي الدمع بعيونه
يبي حب ويبي عطف ويبي امه كمـا المعتـاد
ولا يدري وش الساعة ولا هالوقت او كونـه
الله يالمهاجر ،،
جدا رائعه هالابيات ،،
عيشتنا فيها ،،
صح لسانك و سلم بوحك ،،
الف شكر لك على هالهطول ،،
دمـــــت برعاية الخالق ،،