رد: احتساب الراتب الجديد للخادمات الأندونيسيات بعد أسبوعين الحمود: الزيادة لم تحد من
الله يعين على الدنيا كل شي ولع وصار نار والخبر فعلاً صار صحيح مع إن أغلب الأخبار عن بعض الجهات تنكر تنفيذه لكن مثل ماقال أخي الوليدي الخادمة لو تعطينها ألف ريال شوية عليها لأنها تقوم بكل أعمال المنزل من طبخ أشكال وألوان وتنظيف والإهتمام با لأطفال والكبار لأنو تجدون بعض الناس ما يقوم لو يصب لنفسه كاس ماءهذا في أغلب البيوت تعودوا على الإتكالية والكسل والخمول الخادمة تجيبه له وترجع تاخذه إذا خلص!!!! أما البعض الآخر فهي تستحق الــــ600 فقط لأنها عملها يكون بسيط جداً والمفروض الرواتب تحدد علبى حسب مساحة المنزل وعدد أفراد الأسرة أما كلامك يا أخوي عبدالرحمن ماعاد نستغني عنهن لا نقدر نستغني والأغلبية يقدرون بس بشرط إنهم يقومون يتحركون في بيوتهم ويشوفون أشغالهم بأنفسهم من خلال توزيع العمل بين البنات والأولاد حتى الزوج لابد أن تكون يده بيد أهله إذا إحتاج الأمر لكن مشكلتنا عويصة والسبب إننا كبرنا بيوتنا زيادة عن اللازم لو كل شخص حط بيته على اللي يكفيه هو وعياله ما كانوا إحتاجوا خدامة ولا بعض العائلات خدامتين وزيادة إختصار الولائم وعدم الإسراف فيها زمان في وقت العزايم وغيره كنا ماعندنا خدامات لكن كان كل شي لازم يكون شغل بيت كنا حتى الذبايح نطبخها في البيت مع الحلويات ووو00000000000الخ لأنه كانوا يستعيبون على اللي يطبخ برى أو يشتري جاهز ؟؟؟!!!!!! والآن البيوت فيها خدم والأكل في الغالب يجي من المطعم أو الطباخ والصحون في الغالب ورق !!!! وش بقى للخدامة تسويه ؟؟ يعني عقب ماتكسرت إيدينا من الشغل جابوا الخدم وطلع الأكل من برى عادي مافيه شي ولا عيب ولاحرام !!!!!! والله إن عندنا مجتمع ودك تكسر روس ثلاثة أرباعهم ماعليه شطحت بالموضوع لكن هذا شي مكدر علي تفكيري وأخيراً أقـــــــــــــول يا زين التعاون في البيت فعلاً شي ممتع ويقرب بين أفراد الأسرة بس بشرط نترك المحا سب على جنب وإذا كانوا أطفال يكون الشغل متنوع عليهم وبالدور وحسب أعمارهم بالنسبة لي أحس بنشوة عارمة عندما أنتهي من ترتيب وتنظيف بيتي صحيح وناسة إذا قمت من النوم ألاقي كل شي نتظيف ومرتب من الخدامة لكن وجودها في البيت يسبب لي ضيق وقلق عشان كذا ما أنام إلا والبيت نظيف عشان أصحى على نظافة ولا يكون فيه شي في وجهي يضيق صدري مشكورة مرة أخرى يا خنسائنا الغالية فتحتي لي باب للفضفضة مع إن الخدم الإندونسيات بالذات مصدر رزق للأقرب شخص لي لكني مازلت أعارض وجودهن في بيوتنا بهذه الطريقة والأعداد الهائلة تقبلي مروري و تحملي كثرة هذرتي