[مشعل التريباني]

المشاركة الأصلية كتبت بواسطة الطائر المهاجر

مسرحيه فصلها الأول خطير= وفصلها الثاني مع الثالث ظلام
خطة الموساد ترسم للمصير= ووكلت تنفيذها للعم سام
عنونوها باسم من ماكر خبير= "الربيع" وحوله السم الزؤام
يعرفوا عقل العرب توه غرير= لا وجد حريّةٍ زاد انفصام
كل واحد يطمع بمنصب كبير= لو قَتل والاّ نهب مابه ملام
ويعرفون اليعربي بالدين غير= ومن خلال الدين يعلى بالمقام
من ركبه حصان واصل للمسير= بالسياسه والتجاره والكلام
وشجعوا احزاب تعلن للنفير= باسم دين الله وتركض للسنام
والهدف معروف للفكر الحذير= اضربوهم في بعض واذكوا الخصام
يحطمون جيوشهم مثل الشعير=ويستمروا في حروبٍ كالنعام
يرجعوا للخلف لعصور الحصير= وشغلهم تفكير في حل وحرام
تقسم البلدان في وقتٍ قصير= وتاخذ اسرائيل ما تبغى بسلام
الجهل لاحل في دارٍ خطير= والحضاره دون علمٍ بإنعدام
العرب فوضى بلا سيفٍ شطير= وما صلح للغرب ما يصلح لزام
امةٍ متعوده حكم الأمير = في قبايل تحت حكمه في وئام
من غزاهم ينتهي بوسط الحفير= او رجع فاشل بغزوه بانهزام
ويوم جا الإسلام صاروا له نصير= وحطموا فارس وروما بالتمام
دينهم عن صدق حاكم للضمير= ماهو دين اليوم بنفوس اللئام
من ضماير صابها كل تخدير= تاجرت به ماخشت رب الأنام
حصل العادي بهم دربٍ يسير= وأثر الدولار في عقل الإمام
من بعد ما كان يحلم بالبعير= مركبه مرسدس وقصوره رخام
والنتيجه شوف عينك ف الحدير= امةٍ ماتت بجهلٍ وانقسام

اخوي الطائر المهاجر
والله لاملك الا ان اقول لافظ فوك على هذه القصيده الرائده بيض الله وجهك
هكذا يكون الشعر والا فلا نعم هذا هو الواقع صح لسانك الى يوم الدين مبدع بكل ماتعنيه الكلمه