الجوع كافر والفقر سبة الجوع= والفقر اساسه انتشار البطاله
في ارض فيها الخيربالشكل والنوع= وفيها فساد واضح من فعاله
من كل متنفذ له الراي مسموع= يجلب اجانب من خمام وحثاله
كل يخدمه لو بغى شي ممنوع= اللحم الابيض والشرب للثماله
تلقى يدربي الراس ماشي على الطوع=حاضر نعم لو يشترك بالعماله
يخدم معادي دام تابع ومتبوع= همه بنفسه غارق بالنذاله
ماهمه اللي بالفقر صار مصروع= او جايع يركض يدور زباله
لاتامن اللي جاع بالجوع مدفوع= لاهل التطرف والمكر والدجاله
من كل بايع دين والدين منزوع= من قلب تاجر كل همه بماله
يدفع شباب صار بالفقر ملسوع= في خدمة العادي يجرد نباله
لابد ما نقضي على الفقر والجوع = بارض غنيه خيرها في جزاله