[غازي الفكر]

ياغلا بيت القصيد لاتفكر في البعيد شوف حالي وش حداه ........ صرت تايه في الرساله أشرح الحاله لحاله في رجايه غاب وينه *** قادني شوقي اليه هدني قلبي عليه أشعل البوح ولضاه ....... ارفقي بي يا جروحي اكتبي في شوق بوحي صدق قولٍ محترينه *** سطري لوحة قضايا دونيها بالخبايا توضح المقصد لفاه ......... صوريني دون ريبه جسم يتحرى حبيبه وقلب يترشف حنينه *** لوني دمعة جنابه والحنايا من عذابه ثم شوقٍ في رجاه .... ارسمي الدنيا بغيره مثل مسراب الظهيره تحت شمسٍ مد عينه *** آآآه يادنيا غريبه ماتساوت في الضريبه بين ود(ن) وجفاه ......... اعدلي ياكثر شينك قولي حقٍ في جبينك حددي معنى الغبينه *** كيف تاتي يالمماتي صرت تشبه لي حياتي من ذبل عمري وشقاه .......... تهت من ظلم اعاني لا احتمل صمت المباني شوق والذكرى فتينه *** كل ماقلته بدوحه ارسميها وسط لوحه ربما تسعد شفاه ... عنونيها حب شاعر تحتوي كل المشاعر تفضح الخائن وشينه *** هذا نسخه من سوالي اتقنه فن الخيالي ربما يوجد جناه .......... ماندور شي تالي المهم انه مثالي تلقى في غيري آنينه