راس الافعى في واشنطن وذيلها في تل ابيب= ما نفع معها المهادن لو تنادي بالسلام
الحقد فيها متأصل ما يبي فحص الطبيب = نبضها ينطق بأن لابوش يحكم للآنام
قلبها الأسود على الإسلام والدم العريب = جلدها لو هو تلوّن واضحٍ ما به كتام
تكبر وتسمن وحنا من يغذيها بحليب = احد خايف واحد راجي واحد مع سرب النعام
بعض ضد وبعض معها وهذا بالموقف عجيب= وانقسمنا في ردود الفعل في هوش وخصام
والبعض لو كسب وقته يومه الآتي قريب = منشفه ترمى بعد مده بليا احترام
ثم يستبدل بآخر يخدع الشعب الحبيب = بالكلام وبالشعار ثم يرمى بالختام
راس الافعى صار واضح يفهمه عقل اللبيب= والحذر لابد يوخذ بالفعل لا بالكلام
من وثق فيها مخاطر تلسعه لوهو صحيب= ما يفيده لو وليتَ بعد فقده للمقام
والشعوب اليوم تدرك ما بقى شئ غريب = من تجاهلها تندم يوم ما ينفع ملام