يامعرّض الجورى على دكة السوق= وش بك ظلمت الزين من دون زله
ياناعس الطرفيين والخد مرموق= وش بك على قلب المعنا تعله
ماشفت مخلوق(ق) جرح قلب مخلوق=قبلك ولابينه وبينه مزله
عين المها لاسلهمت من ورا الموق=من شافها لابد يبرك محله
حرمت انا من شفتها روحة السوق=لو كان شوقى داخل السوق كله
يامعلق(ق) قلبى على دفة الشوق=قله متى يلقاك يازين قله
تحدوا به الاشواق مع كل طاروق=وذكراك فى شمس القوايل تظله
ماقال بى عوق(ن) ولو كان به عوق=لاصار طيفك فى الحنايا محله
يبغى الوصل منّك على كيف(ن) وذوق=دام الوصل يازين مسموح كله