بويتات متواضعه
اقبلوها كما هي
؛
؛
انا لي حبيبٍ مُبتلا بالسياسه = دايم يسولف لي عن الحلف ناتو
واليا تكلم تعتريه الحماسه = ماكنّه الاّ انتاج مصنع بدا تو
واحسّ هرجه لاتلعثم وناسه = انغام بيتهوفن على عزف تاتو
وانا ما أعرف من السياسه طفاسه = اسمع برايس والمعمّر وكاتو
لكنّ اجامل صاحبي باحتراسه = واقول انا فاهم وانا اوفوكاتو
اهز راسي كل ماهز راسه = وان قال أوراتو قلت مثله أوراتو
ما ودي اخسر نبض قلبي وناسه = ماهمّني غيره لو الناس ماتو
ياليت لو اقدر اصبّه بكاسه = واشرب منه لا ابوك ياحلف ناتو