سلام ياربعي ورحمه من الله = على القلوب الصافيات النقيه
اهل الحريّق مالهم بالوفا اشباه= ومن لاعرفهم جاهلٍ بالبريه
يوم الرجال ارجال لاقيل ويلاه= ينخاهم اللي مافزع له اخيّه
وينصاهم اللي يشتكي ضيمة عداه= ويلقى بهم حصنٍ تفيا بفيه
اوهبة تميم اللي اذا جات طرياه= رمز الفخر انجب رجال الحميه
جاها مشرف يزرع المجد بخطاه= وأسس لهم في الأرض دار وهويه
قصرٍ حصين من بغى العز ينصاه= رجّالهم عن الف في كل هيه
ياما وياما جارهم لاذ بحماه= ردوا حلاله يوم وقت السبيه
تاريخ حافل كلنا اليوم نقراه= ولو زل وقته للشهامه بقيه
بنفوس احفادٍ على العز والجاه= تعودوا فالعز فيهم سجيه
وصلوا بعقل وعلم كلٍ ومغزاه= وبصماتهم تثبت عزومٍ قويه
في الدين تجديدٍ بعد ميل مبناه= بنفوس مالت عن طريق السويه
بقيادة المقدام من خاف مولاه= الشيخ محمد وسط نجد العذيه
ومن لايعرف اصله ولا دار آباه= فهي الحريّق مابها من مريه
حفيد مشرف طاب سعيه وذكراه= اللي بفعله اتحدنا سويه
واصبح لنا دوله مشت درب ممشاه= بقيادة آل سعود اهل الحميه
وفي العلم حنا من سندنا مطاياه= دكاتره في كل عقل ورويه
واساتذه في كل فنٍ وفحواه = وشباب واعد من عقولٍ ذكيه
هذا الحريّق نجم يسطع بعلياه= دوره كبيرٍ بالفعال الرهيه