[حرف وشعر]

المشاركة الأصلية كتبت بواسطة داعي الشوق

دام الموده بيننا بالتساوي = و احلامنا يا نور عيني نديّـه
ليه التغلي يالحبيب الغلاوي = و الله لو اني مسوي قضيه
لي مدةٍ و انا لشوفك حراوي = علك تكرم يا حبيبي بجيه
و نعيد فرحتنا و ذيك الغناوي = تبهج حياة اللي حياته رديه
حاله ضعيف و زاد فيه البلاوي = خطرٍ عليه يزور حوض المنيه
من حر ما به حار فيه المداوي = استصعب علاج الجروح الطريه
راع الهوى يشويه فالقلب شاوي = مسكين يا قلبٍ به النار حيه
دايم هواجيسه بليله سراوي = يسري بها كنه مسري سريه
يا زين فيكم لا تخيب الرجاوي = لا تحترق روحي من اجلك ضحيه
ان كان يالمزيون للهجر ناوي = امانتك قلبي ترده عليـّه

نص تطرب له القلوب الولهاء

وترتاح في خمابله النفوس المتعبه

صح كلك ياملهم