[عرق الماس]

المشاركة الأصلية كتبت بواسطة الطائر المهاجر

فجأه رحل عنا بلا أي انذار = من دون حتى ما يودع حدينا
محدٍ درى منا متى ضرب الاعصار= والاّ متى يرحل عزيزٍ علينا
واثر القدر بالفاجعه دوم دوار= لا من نسينا ما تناسا يجينا
راح الذي نبراس من عز الاخيار= شهم عزيز النفس ذرب اليمينا
عاش بكفاف ولا بغى زود دينار= ولا دور لجاهٍ بحني الجبينا
دايم يقول العمر ياخوك ادوار= وانا انتهى دوري بحق ويقينا
جاني الخبر صدمه فلا ادري بما صار= واذهلت مدري ما الشمال ويمينا
ولولاي مؤمن بالقضا قبل الاقدار= لا قول ليه الموت ذا مبتلينا
اختار ابني فجأةٍ دون اخطار = واليوم اخوي بطعنةٍ في الوتينا
انهد ركني ما بقى غير تذكار= ومع كثر صدماتي فلا اظهر ملينا
في صمت اعاني رابط الجاش صبار= وارجي من الله ما رجى الصابرينا
وانا انتظره ولو يجي دون اشعار= مليت دنيا الذل والخانعينا
دنيا نفاق وكذب ووجيهٍ كثار= من اجلها ضعنا مع التايهينا
اموات لو عشنا وزدنا بالاعمار= وش فايدة اجسام تعمر سنينا
يرحمك ربي عالم كل الاسرار = ويجمعك بالفردوس بالخيّرينا

حضرة الدكتور...

قصيدة رثاء من انسان احساسه عميق صادق

فكانت حروفها تدل على مافيها من حزن وآلم

فأسأل الله لكم الصبر والسلوان..

ولفقيدكم الرحمة والغفران..

طائرنا أدام الله عليك الصحة والعافية

مع طول العمر والإيمان,,دمت بكل خير ياغالي...