الوقت يسرقني ليا صرت وياه = يروح نصف اليوم مثل الدقيقه
انسى معه كل التعب و المعاناه = و تغيب عن صدر الوله كل ضيقه
زعله يزعلني و يرضيني رضاه = و روحي لغيره بالهوى ما تطيقه
ما غيره احد من الغنادير اهواه = ولا ينوجد مثله بكل الخليقه
ابو ثمان رهاف يا ناس محلاه = في وجنته ورد الربيع و رحيقه
يجذبني بصوته و نغمة شفاياه = كن العسل بين الشفايا و ريقه
اشتاق له واحب شوفه و لقياه = شوق الوفا لعهود كانت وثيقه
يكتبني احساسه و يمليه و اقراه = متمكن بقلبي و يعرف طريقه
هو مصدر الهامي وانا مقدر انساه = حبه رماني في بحور عميقه