[الطائر المهاجر]

عطني صبر واعطيك بالصبر رجّال = يا طى على نفسه ويقهر ظروفه
يمشي لدرب العزّ للذل ما مال = رافع جبينه ما يوطّيه خوفه
لو هو يشيل الهم من فوقه جبال = يضحك وقلبه خافيات نزوفه
عزيز نفسٍ ما دخل سوق الأنذال = له هيبته في مشيته أو وقوفه
يدري بوقته صعب في كل الاحوال = يبي حصاني خاضعات ولوفه
يالعنبو وقت به البوم يختال = والحر يشكي حرته وسط جوفه
هذا زمان الذل للجاه والمال = واللي فقير الحال كلٍ يعوفه
لو هو شهم مثله قليلٍ بالافعال = محدٍ درى به لو تكاثر ضيوفه
ولو هو صدوقٍ ما ينافق بالاقوال= يلقى المحَارب تنحدر به جروفه
ونحكي نقول إسلامنا مضرب أمثال = وحنا سبب بلواه في كل شوفه
دامه غدى في يدين بايع ودلال = سلعه رخيصه ما عليها حسوفه
من لا حسب للموت والبعث واهوال= لابد ما يندم ويضرب كفوفه
يالله دخيلك عالم السر والحال = ترفق بعبدٍ شايناتٍ ظروفه