السلام عليكم /
هالقصيدة لقيتها في جهاز لاب توب
قديم والله مدري كيف ؟ لكن تفضلوا ....
بالخير متبرّع
يا حظ من هو سعى بالخير متبرّع
........................ يرجي الجزاء من إله الخلق والينا
بكفوف مرفوعة ٍ ، يدعيه متضرّع
....................... لأخواننا بسوريا ، واللي بفلسطينا
عسى يلين الذي ، بالدّين ، متذرّع
..................... طول السنة بالحجج والعذر مشقينا
دام الجشع ، شيمته ماهوب متورّع
........................ عن كل فعل ٍ بغيض ، الله ينجّينا
وصار البخل خصلة ٍ في الدم متفرع
........................ وبدّل بدنياه عقبى الدار ، والدّينا
ينام ليله ، وهو شبعان ، ومتترّع
..................... ويظن ، كل البشر ، للبطن ، مالينا
ماحس باللي ، لسّم الفقر ، متجرّع
....................... ما يسأل أحد ٍ؟ يقول الله ، مغنينا
الحال ، يرثى لها ، والثوب متمرّع
...................... والعيد ، ماقد فرح به ، مدة سنينا
بعض عياله بسيف الجوع متصرّع
..................... ويقول رزقي على اللي معتني فينا
واللي من الجور، واللوعات متخرّع
......................... يقول صبر ٍعلى ربي ، شكاوينا
من يبذر الخير يلقى الخير متزرّع
..................... ويحصد جنا ما زرع لوهو بعد حينا
ومن يطلب الآخرة ، يكون ، متدرّع
....................... بأعماله الصالحة ، عند الموازينا
مودتي وتقديري
محمد بن عمار