[نجم الإبداع]

احس لي برق ورعودن ولا اشوف سيل=ياعل وديان جفت من ضماء ترتوي
الليل ملوي وعقب الليل نزوات ليل = والوقت ماغاب عني سيفه الملتوي
اشوف حال الليالي مايجيها المخيل=ماشاقني نيّها البالي ولا المستوي
راس الهرم مملي الكرشه ومافيه حيل=والقاعده من جحيم المهزله تكتوي
اصحى بنا القطر من منع الزكاه البخيل=ومن فساد الغلاء باوطاننا يهتوي
حل الرباء والحرير وكاسيات العميل =ووقتنا للفتن واهل الردى محتوي
مات الكرام الغيارى مابقى الا الهليل=وان قالو انا لدرب المرجله ننتوي
الظلم والفسق بين الناس ماله مثيل=ضاعت حقوق الخليقه باقها المقتوي
واليوم تركب على روس الفحول الرخيل=والي يصيد الحبارى بالخلاء يشتوي
راعي الامانه مضيعها وعنده وكيل =وصاحب المال فوقه مارده يغتوي
طغى الجشع بالقلوب الغافله والرعيل=وامسى على الدار ضيم وليلها مختوي
الخير موجود مير انه بحمله يميل =وكل جمال مايقنع بحمل افتوي
نفذ مشاريع جباره وسيقت نخيل =لكن اشوف السعف بالغصن ميل انتوي
يالله تهدي القلوب ودلها للسبيل = واحفظ بلدنا وفرج ليلنا المجتوي
واحفظ ملكنا ورايه تصنع المستحيل=وياعل وديان جفت من ضماء ترتوي