السلام عليكم ...
الحقيقة انا اكره شي
اسمه مناسبات افراح
من غير قصور بحق الداعي
لأني اتعب و اتعب حيييييييل
وبمناسبة البارح هذي الحصيلة .
=============
لبّى عيونك
ساعة ندهني قلت لبّى عيونك = ولبّى عيون أم ٍ سعت في مجيّك
يا منهك ٍ حالي ، بزايد فنونك = ما شفت أنا مع جملة البيض ،، زيّك
لون الزهر ، لوّن مفاتن غصونك = مدري ؟ قمر وألاّ القمر هو سميّك
أو القمر يغار ،، من حسن لونك = خذ إنعكاس النور ، من وهج ضيّك
ما بين غابات الرموش ، وجفونك = أسبح في بحر العين وأنعم بفيّك
ولا ثار بركان إبتسامة سنونك = يرمي حمم شهد العسل نظم ريّك
أسترخي بنشوة ، لماطر مزونك = و أستوحي إلهامي برشّات ميّك
لو تدري إني ، ما اقدر احيا بدونك = إن كان ، ما عذبّتني ، بجور غيّك
مودتي لشموخكم
محمد بن عمار