اعداد ما ساق الرياح مزونه
واعداد ما جمت بماه عيونه
واعداد ما ينبت نفل و خزامى
واعداد ما يثمر شجر بغصونه
ترحيب ماله في قلوب اصحابه
حدٍ يحده او عدد يحصونه
باللي لفونا اربوعنا لابتنا
اهل القصيم اصل الوفا وفنونه
قومٍ لهم تاريخ يعكس حاظر
والشمس تعكس بدر ساطع لونه
من القصيم اليا غران ديارك
ياحرب من في نعمه يحسدونه
على امتداد الكوره الأرضيه
لو للحروب اي ند يكتسحونه
حربي واذا قلت الحروب تزلزل
من هيبته حتى الجبل وحصونه
وقت العقل فكره يرجح كِفه
وان شاش محدٍ في البشر بجنونه
لارضه ودينه مخلص ومتفاني
الروح ترخص لا بذلها دونه
يالله عسى دايم كذا جمعتنا
وتعود مثل العيد في مضمونه
والله يديم الي هنا جمعنا
المنزل اللي بالكرم يطرونه
وختامها ترحيب باللي حاضر
من قلب باح بصدق عن مكنونه
صح لسانك مليووووووووووون
قصيدة رائعة
تسلم ويسلم فكرك
تقبل
مروري
وتقديري