كل عام والجميع بخير
العيد في جده فنون وملاهي =ورقصه على شاطي البحر عدة يام
والعيد في الديره قهاوي وشاهي=وسوالف(ن) يطرب لها عود وغلام
سوالف الشيبان عن مجد زاهي=فيه التواصل والتكاتف والاكرام
تجلس وتاخذ يافتى علم راهي=يجلس بعقلك راسخ(ن) طول الاعوام
صبيهم مقدام والعود طاهي=وام العيال مزهبه صحفة طعام
مجد(ن) مضى لاجدادنا به نظاهي=شعوب وقبايل من الهند للشام
ماهمهم طرد التتن والمقاهي=ولا تابعوا فلم الغظنفر وظرغام
مابينهم منه عن الدين ساهي=ملبوسهم عطار وشماغ بسام
ولايعرفون آي اباد راس لدواهي=تفكيرهم حج وتهجد مع صيام
ياللي على مجدك تصيح وتباهي=خلك على التوفي وبنطال وحزام
الوقت لايغدي بكم وانت لاهي=صل الفروض وكن مع الناس حكام
وبعد عن اهل الاثم واهل المشاهي=وكرم ضيوفك وخذ من الطارش اعلام