[الطائر المهاجر]

هذه تجربتي الوحيدة مع البحر الطويل ، نظمتها قبل بضع سنوات ، لكن حاليا لا اتذكر البحر
وكنت عند كتابتها استطيع أن اشيلها بنفس واحد ، أما الآن فلم استطع ، وبعدها قررت أن
لا اعاود التجربة .

القمر والليل والعشّاق على شط البحر والموج غطى الهمس في دفئ وحنين=
واحنا كالطيرين فوق غصين تنظر بالعيون وخايفه من همس نسناس البحر=
طـارت وراحت بعيد وطـار قلبي من محله كـود يلحق وابتدا بوح الكنين=
من عذابه صـار يكفخ طفـل ضـاع وضيّع أمه هلّت دموعه فلا عنده خبر=
علميني يا حروف الشوق كيف اسلى حبيبٍ ما عطاني غير جرحي والأنين=
وفهّميني ويش اسّوي تاهت الغـربة بدربـي لاظـلام ولانجـوم ولا قمر=
كنت واهم ياحبيبي في حساباتي ولا ادري وش تخبّي لي الليـالي والسنين=
بين وهمي والحقيقة مرّ عمري مثـل بـرقٍ ما انتبه له نايـم ما خذ حذر=
قام من نومه بوسط السيل ما يـدري وش اللي وصّله للقـاع مدفونٍ بطين=
لـو يحرّك رجـل يغطس مشكله رجله قصيره وان ينـادي ما حدٍ ردّ النظر=
ويصرخ بأعـلا جنونه ليه يادنيا عليّه وش حصل قولي صراحه وش تبين=
ينتظر منها تجـاوب ينطلـق بالجـوّ مـارد يكتب الإصرار حرفه كالجمر=
لا يا حرفي لا تسامح ولا تجـامل ولا تدوّر وقت يفنى خـاف رب العالمين=
قل لهـا يكفي فضايح لـو تغطي ما يسدّ الشمس منخـل لا ولا اكبر شجر=
لـو بغيت اسمح واصـافح عيّت يديّه عليّه ما تطـاوعني شمال ولا يمين=
بس يمكن ذكـرياتك باقيـه دامت جـروحك تنحت بقلبـي وتبنـي به قصر=
اذكر أيام خلت وكيف كنا صغـار ما ندري عن الحب ولا عـذاب العاشقين=
كلنـا بسمة براءه ، نلعب ونلهـو ولا نـدري وثاري الحب معنـا قد كبر=
زوّجـوها غصب عنها وغصب عني وانتحر حبٍ جمعنـا ويلكم ياظالمين=
قلت يمكن يـوم تهـرب وانتظر لكن تبيّـن كل شئ بعـدي تغيّر وا قهر!=
ارسلت آخر رساله " ابتعد عني ما اطيقـك كان حبّـي لك تسلّي يالفطين"=
هكذا بعض العـذارى وهكذا الحب التجـاري وهكذا نمضي يسيرنا القـدر=