[الطائر المهاجر]

عجب يا ناسي الماضي تبين ارجع إلى الماضي = حشى لله ما ارجع ولو حاولت تغريني
تحسب إني مثل أوّل اغض الطرف متغاضي = ترى بعدك تعلمت الهوى وما كان خافيني
تذكّر كيف طاوعتك تمشّيني على الفاضي= تذكر يوم الاوي بك وكان الحب يعميني
احسب إنّك دفى ليلى وظلي وقت مقياضي = واحسب إنك شفاء جرحي إذا عزوا مداويني
وثقت بدمعةٍ طاحت على قلبي كما اللاضي= وثاري الدمع في بعضه خداعٍ للمحبيني
حسافه عمري الضايع لقيته تحت الانقاضي = عليه آثار بصماتك نزيف في شراييني
وهم عشته سنين طوال ولا حسيت بامراضي= وجاء يومٍ اقول أمرك ترى ماعاد يعنيني
حداك الوقت يا خلي وجيت بطيب الالفاظي = تقول ارجع انا "أحبك"، نسيت أنك معنّيني
تبي اتجدد جروحي بعدما شفت لاعراضي= ونا ما صدقت عيني تنام ولا تصحيني
مدام الحب في شرعك ستار لبعض الأغراضي= فهذا الحب ما يصلح ولا يوافق قوانيني
رح الله يسترك وابعد ولاتقبل على فياضي = وكل اللي مضى انسه ترى ما جاني يكفيني