أحبك أنا أكثر من جميع الخلايق
يا طيف وقف في سمايا دقايق = أبي أشكرك يا طيف وأشكر مساعيك
لك طلـــــةٍ بالقلب تطفي الحرايق = أبي أفتح عيوني إشويه وراعيك
أبي أفتح عيوني وأشوفك حقايق = وأشوف أنا ألي من أجلها صرت مغليك
أحبك أنا أكثر من جميع الخلايق = يا كبر حبي لك وحبي لراعيك
والله ما خونك ولا ني إبايق = أحب من حبك وأعادي معاديك
شمسي أشرقت هالحين أنا الحين فايق = وبدلت نوم الحزن بفنون طاريك
ومن شوفتك يا طيف أنا أصبحت رايق = عسى الله يرعاها ويرعى لياليك
محمد مطر هزاع المطرفي