بسم الله الرحمن الرحيم
السلام عليكم ورحمة الله وبركاته
الحقيقه هذي أول مشاركه لي في منتداكم الرائع اللي اشكر القائمين عليه جزيل الشكر .
بدون مقدمات انا ما شاركت في هذا المنتدى الا ابي النقد البناء اللي انا لاحظته في هذا المنتدى وكذلك ودي اجد نفسي ومستواي الشعري وياليت تفيدونني .
هذه القصيد كتبتها في امي .
كم واحد(ن) محروم ومكسي عذاريب *** ابواب جنات السعاده فـلــــتـــــــها
ينزل لها راسي وهو باين الشــــــــيب *** ويقبل رجولــ(ن) سنيني محــــتها
ماهي مذله لي ولا ناشني عيــــــــب *** يومني اطلب جنتي مــن تحتــــها
يا يمه انتي لي كما حزمة الطيـــــــب *** اللي نفع غيره ونفســــه كبتــــها
وانا لك الله لك سوات اللواهيــــــــــب *** اللي حرق خضر الغصون ونبتــــها
وشلون انا قدرك به أصيب ولا أخيــــب *** يالله عساها منك يسعد بختــــــها
ويالله عساني من عقب عويت الذيـــب *** تفوح نفسي روح وهي ما عصتها
ننتظر نقدكم البناء الصريح كما اعتدنا عليه ....
تقبلو خالص تحياتي ......
بقلمي / عبدالمجيد بن ماجد الحربي