[نجم الإبداع]

يامارج الحب من يطْفْي لواهيبك= كل المشاعر شكت من جمر كياتك
يطول صبري وحظي عََجْز ياتي بك = ياصيد مجفول شاقتني مناجاتك
سبحان من صورك ثم ابتلاني بك = واصبحت مشتاق مغرم في تحياتك
دوم انتظر والسعاده في مكاتيبك=وان غبت عني قريت الحب بابياتك
مانا من الي رضي ياصيد تعذيبك = وش ذنبي انا دخيلك في متاهاتك
اضْحِكّ وازْعِلَْكّ واتهنى بتطريبك =فالفن لاشك ساكن بين عبراتك
مساحة الحزن تطويها تعاتيبك = عزي لروحٍ كواها ضي حسراتك
طاوعت عذالنا واخلفت اساليبك = تغيّر الي مضى من صدق نياتك
واقفيت وانا انتظر جيّة مناديبك = محتار في قلب مايسلى محاكاتك
ارفق بقلبٍ من اعماقه يداري بك= يهوى جنوحك وترياقك وسياتك
والحق مهما حصل يازين راضي بك= تامر وتنهى ومرفوعات راياتك