لا سرت في دربك على نهج الاجداد
تمشي عـدالٍ والرجولـه تخاويـك
واضح صريحٍ والأمانـه لـك عمـاد
وحب الوطن في داخلك مـا يخليـك
يروح عمرك مـا تقضبـت بشـداد
وفي الاخره تصحى على الوقت ينعيك
تضرب بكفٍ كف من كثـر الانكـاد
وتبدا تفكـر بالخلـل فـي خطاويـك
وتلقى بأنـك رحـت للغـزو منقـاد
لكن بـلا سيـفٍ ولا درع يحميـك
سلاحك مبادي انتهت وقت الاجـواد
ولو يدّعيها البعـض همّـه يسليـك
تعبـت لكـن مستمـرٍ علـى عنـاد
تحلـم تعـوّد سالـمٍ مـن مغازيـك
وفي الاخره تلقاك في وسط الاضـداد
كلٍ يبي ينهشك مـن ويـن يوذيـك
في وقت صار الخلق للقـرش عبّـاد
والمصلحـه تحكـم علاقـة مواليـك
حتى القريب اللي على الظن معضـاد
لاشاف ما بك فـود يمكـن يخليـك
لاتقول ذا ابنـي وذا الـدرع وزنـاد
ولا تنصدم لا صار من ضمن شانيك
ولا صار حب الدار في القلب يـزداد
وباسباب هذا الحب كثـرت بلاويـك
فاعد النظر من قبل ما يـوم تنصـاد
ويبان لـك علـمٍ يخيّـب هقاويـك
فحب الوطن اصبـح قصيـدٍ لنشّـاد
ولحنٍ يعزفـه تاجـرٍ كـود يغريـك
ما يجتمع حـب وخيانـات وافسـاد
ومن قال احبك ياوطن فيـه تشكيـك
حطك جسر من شان ياصل للاسيـاد
ويعطى الثقه حتى بنهبـه يجازيـك
ومن حبك بصـدقٍ فلاعنـه نشّـاد
يحس باللـي مـن زمانـك يعنّيـك
عينه بصيـره لكـن اليـد باصفـاد
ومن كثـر حراتـه تجنّـب مفاليـك
يعيش فـي الدنيـا قنـوعٍ وزهـاد
قلبـه عليـك ويرجـي الله يحميـك
ابو عبدالله صح لسانك لقد اطلق اسم
القصيدة المتنوعة والتي تحمل جميع المعاني
واللأ لوان اسجل اعجابي الشديد وشكري
وتقديري