[محمد بن عمار]

المشاركة الأصلية كتبت بواسطة الطائر المهاجر

يشوف البعض في طيبي سذاجه = يحسبه لاختل ما نيب داري
فثوب الفهلوه لو زاد طوله = قصير ولا ستر جسمٍ لعاري
اعرف الرجل لا لف بكلامه = وامدّ له الحبل واضحك واداري
لعله ينتبه يعْدل مساره = ويترك عنه لعبه في الذراري
احب العب على المكشوف دايم= واحب الرجل واضح كالنهاري
ولو اظهر عداوه زاد هيبه = بعيني وارفعه فوق المداري
ولا نذلٍ جبانٍ دوم ماكر = يغيضه ما كسبته من وقاري
ليثأر في الخفاء لاجته فرصه = برمح الغير طعناته غداري
ولا يدري بأني عارفٍ به = ولو اضحك معه ماخذ حذاري
فكم من ثعلبٍ بالطعم صدته = ووسمته فوق خدّه باحتقاري
ولو استر عليه بكل خله = اذا جاوز حدوده ذاق ناري
يجيه السيل مايدري مسيله = وينخش ساس بيته والجداري
يعرفه كل من يخفاه علمه = ويصير اضحوكةٍ بين العذاري
فمن لايحترم نفسه خساره= يجد منك احترامٍ وافتخاري
ومن ظنه ذكيٍ في ختاله = وغيره في الذكاء ماهوب ضاري
فهو اغبى عباد الله احمق = فكلٍ فيه حقه لو يداري

	المهااااااااجر/ حلمك يارجل صحححححح قلبك ونبضك وسلم غاليك لاعدمتك تحياتي لهطولك الراقي والشامخ فديتك وياهلا ...!