مساكم الله بالخير
!
!
!
ما هي إلا محاوله كيبورده أحاول بها أزرع البسمة في قلوبكم 
البارحة هايم وسارح بغنيه عبدالحليم = جانا الهوى جانا ولا زال الهوى فينا يحوم
والكاس بارد اشرب وصاير مزاجي فـ الصميم = سواح انا ماشي لحالي وانطوت كل الهموم
وشوي غفت عيني وزارتني هواجيس النويم = مدري انا ويني وسماواتي تغشتها الغيوم
واسمع عذب همسٍ هلا بك جيت بالوقت السليم = نورتنا بالاندلس ام العجايب والعلوم
جنيت انا الاندلس!! ويش جابني يا ذا الفهيم = الاندلس قد انتهت يا بعد عمري يا الفهوم
راحت وردت جامعة لي كل اصناف الحريم = اختار يا الهايم ثلاثة واترك الباقي يهوم
احترت لا والمشكله يشبهن حورات النعيم = زاغت عيوني وقلت ابد يا اخت انا ماني بسلوم
قالت انا بختار لك وادري خفوقك مب فطيم = ودك تحصل عالنساء أعداد شعرك عالعموم
اخترت لك شاميةٍ من عطرها فاح النسيم= والعين لون البحر زرقاء واه منك لو تلوم
اوصيك بالله اسحري هالهايم بكيدٍ عظيم = واحكي بدلع مرسي لـ الله بنوب ما بنساك يوم
طعميه فول و حمص وتبولةٍ يحلى وسيم = وتكوني في السفره لشانو يا حلو قبل القدوم
والثانية بنت اليمن سبحان خالقها العليم = الجسم عود الخيزران يصيب قلبك بالسهوم
وبلهجة ام واشتي انا خاتم ذهب يا ابو نديم = تجعل خفوقك ينهبل قمره ولا كل ام نجوم
وام قاف فصحى منها وام ثغر يلجمك بلجيم= وام جفن لا تشقير به يا حظ اللي له يروم
والثالثة هي مالعراق احلى من اللي هم عجيم = انشدك بالله يا بِِنِت جعليه في حبك يعوم
ودي يقول اليوم يا يابا قليبي كالحطيم = صاير يحبنها وانا فدوه لرمشه دوم دوم
هذي خياراتي وانت ارجوك خلك بالحكيم = اخترت لك اجمل نساء من اجل انسيك الغموم
فجأه اختفوا من ناظري والسبة جوالي اللئيم = والمتصل بو رنةٍ يا ناس ضيع لي الحلوم
للتوضيح:
لهجة ام لهجة معروفة منذ القدم وهي من لهجات اليمن وتعني ال مثال: ركبت السيارة . هم يقولون: ركبت ام سيارة.
اشتي او اشتهي: بمعنى ابي او ودي.
تحياتي
ماجد المهدي