يالـيـل ياعـيـن يـادانه ويادانه=يـا آه يا حالتي ويــلاه يـاحـالي
يا نغمة الـدان يـاهيـله يارمانه=يـا اول الـنـاس فـي قلبي وياتالي
يا ناعم الصوت يامن تطرب الحانه=يـا لاللـه يالـلاله يـالـلا لا لـي
يا من خذيت بمرابيـع الشهب خانه=وحـجزت لـك موقفاً بالقلب طوالي
اقلط تفضل ترى صيتك عـلا شانه=تـعـال اقـهويـك بيـديني وفنجالي
لي مدة منـتظر والـروح ولـهانه=خلك هنا لا تـغـادر يابـعد حـالي
مادام الاوضـاع ماتسمح وخربانه=لا جيـت مـره فـلا تبخل على غالي
تعوذ الله من الشيطـان واعـوانه=لجلك ترى بعتذر عـن كثرت اشغالي
مبطي وانا اشكي زماناً صك بيبانه=عيت تزين الظروف و يـنعدل حالي
الروح من حـبكم يابنت طـفرانه=كـني فقيراً رقـد ما عـنـده اريالي
ابـحرت في مركباً والـبعد ربانه=لـينه غرق وسط مـوجا عاتياً عالي
ورماني الـحظ في برك وشـطانه=مقطوع الانفاس واطيـافـك تراوالـي
تعال وانـقذ غريقاً فاقـد اوطـانه=والاّ تـرحم عليـه ان بـعدكـم طالي