[الخنساء]

المشاركة الأصلية كتبت بواسطة داعي الشوق

قلت هذه القصيدة فى شخص معروف لدي و ليس ممن هم أعضاء بهذا الصرح ،

و يسعدنى وضعها أمامكم لعل أحدكم عانا ما عانيت من هكذا أشخاص

وأتمنى أن لا يكون ذلك ،

القصيدة بعنوان



( المعنى فى صدر الشاعر )

تقليد بعض الناس للناس مكشوف = مكشوف نهجه لو يحاول يغطيه
عميان عين ويحسب الناس ماتشوف = ماهوب دارى وين دربه يوديه
غشيم مايقوى على بدع مألوف = مجهود غيره ينسخه ثم يسويه
الصنف هذا مبتلا بطبع ملفوف = الله يعافينا و عسى الله يشافيه
عقلة صغير وماله احساس معروف = إضعيف نفس وتايهٍ في مساريه
لفت النظر دزيته برسم وحروف = عله يثمنها و عساها تصحيه
مالى ومال اللى خذا طبع ملقوف = ممشاي يكرم عن نباه ومماشيه
لكن بلاني فى مواضيع وضروف = ما لوم نفسى لو مسكنا علابيه
موقفه والله يالربع صار مكسوف = إن كان به بعض الحياء ليت يحييه
للتاليه يافلان منته بمكلوف = لكن حظك عاثرٍ يوم ترميه

صح لسانك اخى الشاعر داعى الشوق

لاهان راسك قصيدة رائعة

وكل عام وانت بخير

سلمت ودمت بخير