اقتباس:
اسمع يالطيب
بصراحة انا ودي اروح لكندا وطبعا ما اقدر اروح كذا لازم ادبر لي عذر
والعذر بيكون دراسة
ما ادري يمكن القى دراسة لمدة قصيرة او لمدة طويلة لكن ايام قليلة بالاسبوع وياريت تكون 3 ايام
واظن نظام القيادة عندهم عادي مثلنا ماهو بالمعكوس ( انواع الحوادث بالتقاطعات)
ويمكن القى مدرس او يستحسن مدرسة خصوصية
لو بحثت عن فندق كم بتكون التكلفة بالشهر لفندق 5 او 4 نجوم
والفيزة للطالب تقدر تتنقل بها بالبلد عادي ولا لا
المعاهد تحاسب على الغياب ولا عادي
اللي بيروح كندا ما افضل طريق من الشرق ولا الغرب
|
اجل متغوص ، لازم تجيب عذر ، اييييه يا الدنيا.
المهم ابعطيك اللي عندي و الباقي عليك.
شف سالفة انك تدرس فقط 3 ايام في الاسبوع ، ما اعتقد تمشي على السفاره الكندية و اكيد بيشوتونك.
انت خذ دراسه يوميه بمعدل 2.5 ساعة في اليوم خمسة ايام في الاسبوع ، او انت وش خسران خذ دراسه 5 ساعات في اليوم و خلهم يعطونك قبول و اول ما تاخذ الفيزا و تاصل فانكوفير امحطهم ركبه و لا تروح للمعهد ، او رح للمعهد و غير خطتك الدراسية او حتي غير المعهد ، في النهائه كل اللي انت بتخسره هو مبلغ 100 دولار كندي (300 ريال) قيمة التقدم بطلب التسجيل ، هو اهم شي للفيزا خطاب القبول.
و المدرسين الخاصين كثير و بتلقا منهم واجد ، لاكن اذا تطيع شوري وش تبي بهم ، اللغة و بتتعلمها من الاختلاط بالكنديين.
و اذا انت خايف تورط في الديره من ناحية الانجليزي او التجول ، تراني فاضي الين شهر 4 كان تبي خوي و دلوله ، بس ترا المصاريف عليك.
من ناحية الفندق و السكن ، السعر يعتمد على الموسم اللي بتسافر فيه ، يعني في الربيع و الصيف الفنادق غالية بسبب كثرة السياح.
بعدين انت تعال الاخ ولد نعمة ما يسكن الا في فنادق 4 او 5 نجوم ، الضاهر انت فنادق الفنس ماثره عليك ، ترا الفندق الكندي ابو نجمة يعادل فندق 4 نجوم في ديرة الفنس.
انت خذ لك غرفة في موتيل ( اللي غرفة على الشارع على طول) و بتطلع عليك في مثلاً البيست ويسترن بسعر 200 ريال في اليوم ، او رح للفندق اللي انا سكنت فيه و اول ما تاصل الفندق قابل راعية الهندي و قله انك خوي اسبرانزا و بيعطيك الغرفة بسعر 4000 ريال في الشهر ، و اذا قالك بشرط ما ينضفون غرفتك الا 3 مرات في الاسبوع قله عاد من زين هندياتكم اللي ينضفون ، بعدين رح و قردن الهنديات و عطهن دولارين و يلحسون لك غرفتك لحس.
و اذا انت مصر على 4 نجوم فيه فندق الهلتون سعر الليله عندهم بسعر 500 ريال و موقعهم حلو.
هاه تبي شي ثاني ولا خلاص.
تصدق عاد اسلوبي في الكتابه خرب ، اثرو على مراجيج الاقلاع.
لك اجمل مساء