[الخنساء]

المشاركة الأصلية كتبت بواسطة الطائر المهاجر

الجو يصفى لو تزايد غباره = والفجر يوقظ من رقد في عماياه
وجسر الحقد لو طال لزم انهياره= من تحت رجل اللي خبيثه نواياه
ما كل من شفته جميلٍ شعاره= يمشي عليه فلا تغرك حكاياه
البعض يعرف كيف يضفي دثاره= ويظهر خلاف اللي تكنه خفاياه
وما كل من اكرمت تكسب وقاره= بعضٍ خبيث ولو تبسم ثناياه
فالطيب مع من لا يستحقه خساره= فسنٍ بسن وكل يجزا خطاياه
اضرب على الحاقد وزيد احتقاره= واوسمه في علباه تظهر خباياه
حتى يعرفه من جهل في مساره= ويدري بأن اللؤم طبعٍ تفياه
وخلك وسيع البال تُجْهل بحاره= لو كان دربك كاثراتٍ حياياه
لا من تحرك داب خلف الحجاره= جاهز بحرقه قبل يلسع ضحاياه
ومن بين حين وحين ارسل اشاره= كودك توجه ضايعٍ مع مطاياه
وان كان بعض الناس عقله نشاره= ظنه شطاره لاتمادى برداياه
ظنه صقر والناس عنده حباره= وانه ذكي ولااحد يفعل سواياه
فهذا متخلف ماشيٍ في انحداره= شطب عليه ولا تفكر بطرياه
من لا احترم للغير في كل غاره= وقدر ذكاهم خاسراتٍ سراياه

صح لسانك مليون ولايكفون
قصيدة جزلة من شاعر جزل
رااااااائعة وهادفه
سلمت ودام حرفك