بسم الله الرحمن الرحيم
( نـهاية حـب )
ياونتي ونة حبيب على الباب = خلفه حبيبه مير ماهو يطوله
عجزت يدينه تفتح الباب غلاب = والي يحبه يقدره وبسهوله
لكن خايف يفتح الباب منصاب = خايف من الي عقب فتحه ينوله
يخاف من هرج المعادين وقراب = ويحسب حساب الخل والخل حوله
وعود على حزنه يونون يالأسباب = لا بارك الله في سبايب تحوله
تحول منهو ساحر القلب بهداب = بهداب تذبح كل أبوها خجوله
الحب غالي غالي الحب كذاب = كذاب منهو قال معرف ميوله
والي ذبحني غاب عني ولا غاب = ماغاب عني كل همي وصوله
لجله حنين القلب والدمع سكاب = والدمع مثل البحر جارف سيوله
حنو علي اليوم حنو يالأحباب = لي عام والثاني تروا حان حوله
خايف وخايف يطلع الحب نصاب = وأخاف عقب الحب غيري يجوله
برحل وبرحل قبل مالقلب ينصاب = وقبل الجفا يعلن علينا هطوله
هذي نهاية حب ماتم بأسباب = بسباب منهو ماقدرنا نطوله