https://www.youtube.com/watch?v=0dTR6ctxOPc&t=23s
التقينا محض صدفة وحسب إنّي صرت زاهد = واثري الكامن غرامه تحت سطحٍ من جليد
درةٍ من صنع ربي من رآها خرّ سـاجد = لو هقيت اني بجنّة قلت حــورية أكيد
ويش ابوصف ويش اخلي كل وصفٍ غير وارد = ما بقى قاموس يكفي يشرح الزين الفريد
مهرةٍ من نسل يعرب ساقها للطير طـارد = واثره المطرود منها لـو يهاجر للبعيـد
كنت تايه في الحقيقة عـابرٍ ما كنت رايـد = وعندما شفت البنيّة صوبتني بالوريد
حـاورتني بالعيـون وسددت لي سهم واحد = كان كافي صيد قلبٍ عادته دايم يصيد
قلت مرحا ، واثر دمعه حـايرة والفكر شارد = ربي وش فيها عليّه كيف أبفهم ما تريد
سايرة والدرب مظلم لا شموع ولا مواقـد = كل شيٍّ ضاع منها ما بقى غير النشيد
تشتكي ظلم الأقـارب مالهـا أمٍ ووالــد = وكشفت لي عن خواته كيف بيعن بالزهيد
ذكرتني كيف سبته واختها مليـلة تناشد = داخل المغرب ولكن حاكم الاسبان سيد
وذكرتني بلكنــاري والأثـر لا زال خـالد = بعدها الاسكندرونه لانقره راحت جحيد
ولتميم بيوم دولة خلف شط العرب واكـد = باقية عبـدان تذكر كل ماضيها المجيد*
وين جزرٍ بالخليج وكيف سرقت كالقصايد = وين حيفا ووين يافا والقدس تحت الحديد
وابتدت تذكر ليالٍ حمر مع كبر الموايـد = فالحفل كرٌ وفرٌ بين ولـدان وغيـد
التفت ابغى الحبيبة اختفت والجـو بـارد = وين راحت صرت مادري فالزحام اصبح شديد
قمت أدوّر بالحواري والمشافي والمعابد = من سألته قال ما ادري وابتدى شكي يزيد
ولمح رجـالٍ تعدّوا شايلينٍ شخص راقد = في ظلام الليل يمشوا مثل سرّاقٍ بليـد
واصرخ بأعلى جنوني كلكم بالقتـل عامد = ويلكم من رب عالم ماتخافون الوعيد
خذتها للحضن لحظة واستقرت كالشواهد = وسط قلبي قبر تسكن لينما البعث الأكيد
ومات قلبي من نحيبه واندفن معها كشاهد = ثم بعثوا للعدالة يـوم لا مال ووليـد
وابتدى ربي يحاكم كل مجرم لو يعاند = كل شي صار واضح من صفر لأعلى رصيد
وابتدت تشر عليهم كلهم مذهول هاجـد = ويصدر الجبّار حكمه ولجهنم لا محيـد
من تجبّر دون وازع ما يبي هرجٍ لناقد = يحسبن الموت ملكه يأمره مثل العبيد
ومن يفرط في الأمانة او عطاها شخص فاسد = ومن يذل الناس تخضع روسها حتى العويد
ومن شرا بالفلس شيخٍ حلل التحريم قاصد = ومن سرق دم الحيارى وش بقى لك يالحفيد
لو تصدق ، لو تبرع ، لو بنى كل المساجد = كل شي صار واضح لو يرقّع ما يفيـد
ومن شرا بالـدين دنيـا دايمٍ للفلس عابد = سخر علومه لخدمة كل شيطان مريد
يالحبيبة لا تخافي لـو زمانك ما يساعـد = دام فيه اللـه أكبـر ينبعث مجدٍ جديـد
مدينة عبدان اسسها عباد بن الحصين التميمي