نخيت الحب قلت الهجر يكفي= ترى مقدر على بعدك دقيقه
يتيمٍ مالقى عطفٍ ولطفي= كسيرٍ خاطره محدٍ يطيقه
وزين الروح بان اليوم ضعفي= فانا بليّاك في همٍ وضيقه
ظلام الكون قدامي وخلفي= وفجرك صرت مدري وش يعيقه
تساوى احيا او القى اليوم حتفي= حياةٍ دون حبي في حريقه
وش اللي صار بالدنيا يا ولفي= وش اللي غيّرك حق وحقيقه
الا تكفيك آهاتي ونزفي = من جروحٍ بعد هجرك طليقه
نخيته احسبه للقلب يشفي= وجاني منه شيٍ ما أطيقه
يقول إنّا انتهينا بكل عسفي = وكلٍ لازمٍ يمشي طريقه