[سعد الشقحاء]

البارحة ساهراً وجـــــــــــر موالي=مع هجعت الناس ضاق الصدر من مابه
بغيت انا النوم لكن ما تهـــــــــــيالي=جلست يومــــاً كلاً سكر أبــــــــوابه
جلست مع ذكريات الصاحب الغالي=اللي همومي وضيقاتي من أســــــــبابه
اللي تركني مع الهوجاس بالحـــالي=الصارع الشوق والاحزان بغيـــــــــــابه
لامن ذكرته يسيل الدمع همــــــالي=عبرات حزناً من العينين سكــــــــــابه
وروح يم المكان اللي على بـــــالي= فيه أتذكر زماناً فات وأســـــــــــــلابه
حتى لو انه خلى ومن البشر الخالي=يكفيني اني عرفـــــــــت انه تمشـــابه
فيه اشتكي له وجاوب حالي بحالي=من حرقةٍ وسط جوفي منه شبــــــــابه
احيي بذكره غلاً بالقلب مــا زالي=قلباً يحبه لو انه يكثر أعــــــــــــــتــابه
مهوب عبر الزمن ناسي ولا سالي=قلباً وفياً وفاء في عشرة احــــــــــبابه
صابرلو ان الصبر في غيبته طالي=حتى لو ان الصبر شيبه وشـــــــــــابه
وما نيب انا أول مصاب ولاني التالي=قبلي من الحب ناساً مــــنه منصابه
حظي وراضي بمقسومي وما جـالي=والعبد ماله عن الاقدار مجـــــــــــنابه
يا ناس ياللي جداكم قيلاً وقـــالــي=لا صرت مبغا النصيحه مــاهي أطلابه
قولوا لراع النصيحه مــــاله ومالي=وش دافعه يوم لجلي محرق أعصــابه
ما جيته اشكي من همومي وغربالي= جرحي وهمي من المحبوب و أرضابه