ايه ياهل المحبة واعذاب القلوب=كم قلبٍ تشرهب بطلبه واستحال
يوم رفرف جديله مع ذرور الهبوب = وانكشف عنقه اللي مثل عنق الغزال
قام بكفه يكفه بس عيا يتوب = كل ماهبت النسمة تباين ومال
قلت له وش يضرك دام روحه طروب = ماعليكم ملام ولامشيتم ضلال
قال شاللي يخصك قلت منك امعطوب = المضرة حرام وروف يابن الحلال
مد كفك و سلم قال ماهي بوجوب = قلت يقولون سنة قال مابه مجال
قلت وش لون وصلك ياغزالٍ هروب = وا نت طبعك مجافي ماتبيلي وصال
قال صعبة دروبي مقفلة بكل صوب = راهنتني قيودي اللي تطلب محال
قلت على سنة الله ماوطيت العيوب = ابشر بجاهة العًقيل وسلم الريال
قال انا ملك غيرك كل شيء امحسوب = ما هو بحرًة طليقة ولاقلك تعال