[الخنساء]

المشاركة الأصلية كتبت بواسطة الطائر المهاجر

الصمت لو قد قيل من قبل حكمه = فالنصح في بعض المواجيب مطلوب
وكلمه بلا ميزان تاتيك نقمه = وكلمه بدرب الحق تنجي من ذنوب
وما كل حقٍ حق تدري بفهمه= فاحذر خداع الوهم لا تقربه نوب
اوزن بعقلٍ راجح دوم سهمه= وخل العواطف لا تجي لك على دروب
ولا تستمع للي تعالى برجمه = وعقله صغير والفكر فيه معطوب
ولا تحتقر للي تصاغر لحجمه= وعقله كبير في المهمات محسوب
لا عشت في امن وامانٍ فنعمه= ولو شفت ماكدرك من وضع مقلوب
الناس غير الناس والدرب زحمه= وصعبٍ تميّز بين صاحي ومجذوب
سم الحضاره واضح اليوم وسمه= اثر ببعض الناس في كل اسلوب
صاروا عبيد القرش يحيون لاسمه= لا الدين يردعهم ولا السلَم مرغوب
بالفشخره والكذب صيبوا بتخمه= انفس مريضه والعقل صار مشطوب
عقول صغيره في جسامين ضخمه= تهوى التبطح والتلذذ بمشروب
ولا قصرت دنيا احدهم بزعمه = يصيح انا ياناس في الحق مغلوب
يبي يتنعم دون جهدٍ وهمه = ولا هوب كفو يقوم في ايات ماجوب
ويمكن يخاوي من تطاول بشتمه = مايدري انه للمعادين مندوب
من بعد فقرٍ كان يذكره عمه = زادت طموحاته على غير منسوب
الله عطاك العقل فاشكر لنعمه= والله عطاك الأمن ما اصبحت مسلوب
والعاقل اللي نظرته دوم قدمه= ما هوب مع شقرا الى الوهم مجذوب
والمجتمع بالفرد يعلي لنجمه= ومن قال مالي شغل فالفكر مثقوب
ولو كل واحد قام وادى لقسمه = ان كان صرنا فوق في عالي رتوب

صح لسانك واعتلا شانك
قصيدة جزلة من شاعر جزل
سلمت ودام حرفك