[الطائر المهاجر]

تكلم ما تبي واعقل ، ترى بعض الحكي محسـوب = وإذا ما تازن الكلمة يجـي لـك ردهـا الوافـي
مثل ما صار في القمّة وشفنا الريّـس المطبـوب = يلخبط بالحكي ، ياعيـب ، معمـر ولـد قذافـي
(ترى معروف من جابك وكللش واضح(ن) مكتوب = تعقّل فالكـذب خلفـك وامامـك قبـر) ولفافـي
كلام الفارس العاقل ، إذا منّـه حضـر مهيـوب = دروسه تردع الكـاذب ، فثـوب الكـذب شفّافـي
كلامك يا أبو متعب به الحكمـة بهـا الإسلـوب = يصحّي ثعلبٍ لا ميـت ، لا حـي(ن) ولا غافـي
بدا يحضرم ، بدا يلخبط ، يشوف الناس بالمقلوب = تمنى لو يلاقي باب ويهرب لـو ركـض حافـي
الا يـا جاهـلٍ فينـا تنبّـه ، سيفنـا مرهـوب = بغاث الطير نعرفها وحصانـي العـرب يالهافـي
إذا تلعب ، تعال العب على المكشوف يالمغلـوب = فمهمـا كـان تجديفـك نكسّـر كـل مجدافـي
مبادينا علـى اليمّـه ولا نقبـل حكـي مكـذوب = حـذاري لا تقربنـا ونكشـف سـرّك الخـافـي
كذا القرآن يأمرنـا ولا هـو هرجـك المجلـوب = كتاب اخضر ، كلام أزعر ، وكله جهل واسفافـي
تبي تفهم ، تبي تـدري ، تعـذر ارتكبـت ذنـوب = وحنا نسامح المخطي ، إذا كـان العـذر شافـي