اقتباس:
المشاركة الأصلية كتبت بواسطة محمد عبدالعزيز الغنام
السلام عليكم ورحمة الله وبركاتة
طال الغياب وطال البعد ولكن يعلم الله ان لكم في الوجدان اغصان
لن اطيل الحديث
فقط تقبلوا اعتذاري عن هذا الغياب واهديكم هذه القصيدة
كرمز لمحبتي لكم
؛- شعري=وعرشي -؛
مانيب متعلي ولانيب مغرور=حشا لرب الكون ماذي صفاتي
لكن بعدي حدني فيه مجبور=والا أنا افرح بكم يا غناتي
وش قيمة الشاعر وهو دون جمهور=لو هو (أبو الطيب) بريق الشياتي
انتم صعودي لا اصبح القاع محفور=وانتم عهودي لا استماتت حياتي
وانتم ورودي طيب مسك" وكافور=وانتم صمودي في دروب" عواتي
وانتم عمودي تحت بنيان بلور=وانتم رعودي فوق غيمة نباتي
جزل القصيد اللي به أبيات طابور=يشرفنّي كنّهن من بناتي
اليا اعتزيت ابهن تناخن على الدور=كلن تبين ارمي عليها عناتي
بنيت من شعري مشاريع وقصور=اهدافها للمجد خطوت ثباتي
وما حول عرش الشعر سور" ورا سور=اعيش في راحة انا وامنياتي
لكن حشا مانيب فرح" ومغرور=حشا لرب الكون ماذي صفاتي
لكن بعدي حدني فيه مجبور=والا أنا افرح بكم يا غناتي
تقبلوا اعتذار اخوكم الشاعر: (محمد عبدالعزيز الغنام) |
صح لسانك ولاهنت
ابيات جميلة تترجم روعة المعنى
سلمت ودمت بخير