رخـصـت لك عـمري ولآ طـعـت عـذال =وحديتــني لـدرب الـوجــع وـآلنـدامـــه
حـــرام يآحـبـي تـرى آلدمـع هـمـــال =شبهـتـنــي باللــي قـليل أحــتـرامـــه
أنـا عريبــة جـد ومـعــربــة خـــــــــال =وأبوي فالـعـليــآ رفيــع(ن) مـقـــــــامـــه
أنـآ من اللي كـفـو في كل الاحــــوال=سـآس الكـرم واهل الوفــآ والشـهــامــه
لكن مـن أجلك يرخص المــآل والحـال=وأدعــس على كل الـحـكي والـملآمـــه
والحين يآخيبـــة ظـنـونـي والآمـــال=قـلـبي جرحــتـه ياحســـافة غـــرامــــــه
كم فرصـة فاتــت وكم هــاب رجــال=مـا أعلن لــهـم ضلـع الفؤاد انـهـزامـــــه
وكم مـرةً شفتـكـ على كل مـهـيال=يـغـريكـ من ضيّـع حــلالــه حـــرامـــــــــه
تركتـني وـآلـعـمر تطويــه الآجيــال=مثل اآلنـهـار اللـي حــــدنـه ظـلامــــــــه
الهـرج يسمـج ياوليــفي إذا طـــال=اسمــع كلآم اللـــي اختصـر في كلامــه
ان كان شاريني فأنـآ لك على الفال=وان كــآن تبــعد رافــقــتـكـ الســـلامـــه
وآخر كــلآمــي وِدك اليـــوم لآ زال=لا زلـــت (( آحـبـك)) لـعنــبـآهآ كرامــــه
الشاعره / بحة الشوق المري