[الطائر المهاجر]

غناء الفنان فهد

تنشد عن احـوالي وانا انشدك بالله = وشلون ينشد قاتل عن قتيله!!
تمشي بجنـازة من قتلته وتنعـاه = يا قـوّ باسك ما تحسّ الفشيله!!
اللي انطعن من صاحبه كيف ينساه = وعنده جروح القلب اكبر دليله
من باعنا بالرخص بالرخص بعناه = ومن دوّر البـدلا لقينا بديله
ماني من اللي في غرامك تسـلاّه = حبٍ جمعنا كان زيف وحيله
آن الأوان انهيه وامسح لذكـراه = وارتاح من هم بقلبي يشيله
ويا قلب لا تحزن على مرّ فرقـاه = خلك بعيد ولا تجي في سبيله
انسه ولا تفكّر ولا بيـوم تلقـاه = مهما يحاول لا تفكّر تجي له
لا من صحى في يوم من بعد ما تاه = يدفع ثمن غلطته ويذوق ويله
ياما بذلت الجهـد تبحث عن رضاه= لكن تغيّر بين يـومٍ وليـله
اهـواه من لا ارقاه واقفى وخلاه = ولمّن توهق جاك يرجي الدليله
مالك بحبٍ غيّر الـوقت مبـداه = وصار يتباهى بالمبادي الدخيله
خله على فاله ترى الـوقت ياطاه = لا خير في خلٍ تناسى خليله