اليكم هذه القصيده بمناسبة شهر رمضان..
عساه عايد علينا وعليكم بالبركه..
عندي لكم علم أسمعوا حين اقوله=ومهوب جبري واللبيب ايتمناه
ووجهه لي قبلكم ومهلوله=تحية الاسلام عطره محلاه
ومن بعدها ببياتي آجول جوله=في قادم من العام حنا نتحراه
شهر رمضان الحظ للي ينوله=ويخلص له النيه ويجني مزاياه
جزايلٍ تحسب بعرضه وطوله=ترجح بميزان الذي بحقه اوفاه
ذكر وصلاةٍ والنوافل عموله=وتلاوة القرآن منبع وصاياه
إن تجعلون النفس فيهن كسوله=خسرت تجارتكم ليا قل مسعاه
ويضا تخسركم سواياً مهوله=اكل لحوم الناس سبٍ ومشناه
وكل الربا ومنع اليتيم محصوله=سحتٍ ويسحت كل مالٍ تولاه
فحذر اخي المسلم تفسد فصوله=الثلث الاول والوسط ثمٍ اتلاه
تصدقوا على الضعيف أنصحوله=في وافيات المد تلقوا جزاياه
تنشدوا عن مخفيٍ حال نوله=عايش بعزة نفس ما يظهر الآه
وبنٍ أبوه أذنب وحدد نزوله=في غرفةٍ بالسجن جرمه تبلواه
تراه في حاجه لناسٍ تعوله=وش ذنبه المسكين في زلة أباه
كلٍ يأشر له بنان معدوله=هذا ولد مسجون والكل عاداه
بعض العرب منزوع رحمه يقوله=ما يامن عقوبه تجيله من الله
تم الكلام اللي تذكرت اقوله=لو هو قصير لكل مسلم فديناه
بصلاة اصليها على من عنوله=زياره لمسجده وطيبه حناياه
محمد المختار عدله حلوله=في سنته نمشي على درب ممشاه