بديت بسم اللي على الناس بادي=يالله ياللي للمخاليق منجي
ارجوك ياخالق جميع العبادي= انك تفرج ضيقتن ساكنه بي
اضحك واجامل واجعل الوضع عادي= امشي مع العالم ولاكن بي شي
وانا من الداخل تقطع فوادي= اضحك وانا قلبي على حامي الكي
صارت عروقه والحنايا رمادي= الروح ماتت والجسد باقي(ن) حي
اخفي همومي والجروح الجدادي= فيني جدد ولا الخفيات مبطي
يا حمود لا جا الليل كفي وسادي=من فوق خدي امسح الدمع بيدي
العين محرومه لذيذ الرقادي = يا حمود انا صامت عن الزاد نفسي
ماعاد بجروحي يفيد الضمادي=شكواي للي ماعلى غيره أشكي