شعارهم يابوفهد عد واغلط=تسمع قصيده تحسبه خالي العيب
جزل المعاني لانطق قلت بالضبط=هذا الصييفي فهيد والا تريحيب
لابالله الا تقول بالشرق الاوسط=تبطي العذارى مثله اليوم بتجيب
تقول هذا الفارس الذيب الامعط=وبيعيد قصة سالم الزير وكليب
ولامن خويته لوهي ايام تحبط=ولوًك شباب الراس من فعله يشيب
جربتهم ماقول قال ابن مسلط=جربت قايد حزبهم حيل تجريب
اربع ليالي بالرخا مسرعه....=وشلون لاجا الجد وقت التناشيب
احمق خبيث اطباع وانسان منحط=مغرور متغطرس وكله عذاريب
ضعيف نفس وقلبه اذرق من البط=ولافيه ذره من شهامه ولاطيب
اليا بغاله حاجةً جاك بينط=كالقط لامن شم له عظم بالسيب
ومسرع تشوفه قدم عينك يوطوط=من عقب ماهو غايبً عام يامثيب
وحذراك تغلط توصف الغاط غطغط=هذي شمال وذي من الغرب يالذيب
والعلم واجد بس ماودي اظغط=وابديتها برموز لاهل التجاريب
واللي فى بطنه ريح لامن قرى الخط=يحسبني اغلط ثم تبدى المطاليب
ابلش وتبدى لعبة الفار والقط=وانا لك الله ضيف عند المعازيب
لاشك ماعمم ترى البعض يغبط= قول وفعل مافيه شك ولاريب
بس القوافي جت كذا جت على الأط=حيث البعض بالقاف يحتاج تاديب