ياترف بين الناس تسبي طباعه=يالي غرامك داخل القلب مطبوع
وراك تتغلى وعندي قناعه =انك تناور والجوى فيك مزروع
عادت مشاعرنا لسن الرضاعه=اقول كلمني تقل ذاك ممنوع
ماحسبك قاسي واثر كلك شناعه=ترمي خفوقي يالغضي فوق قربوع
اعاملك بالطيب وانت ابفضاعه = اسقيك شهد الحب وتقول ينبوع
ماعاد لك بين المشاعر شفاعه=عصيان قلبك لي تساوى مع الطوع
ليل الغرام اليوم يكوي شعاعه=من لامسه ماطاق بعده ولا اسبوع
الكيل وافي لك بمده وصاعه=ناويك ياغصنن من البان مربوع
امزح معَك يومك تفلّ البضاعه=اما رسومك مالها بالشبه نوع
تقول هذي فيك ياحْوم براعه =ماتدري اني منك لو غبت مصروع
لاتحسب اني اسلاك لو نص ساعه=ماصبر على بعدك وراك انت مفجوع
ياحب ثابت دم قلبي يراعه= منه الحشى بين المخاليق موجوع
ارفق بقلب حبيّبك واندفاعه=لاتتركه بين المحبين مقطوع